母親節，姨媽請我們一家到黃金海岸酒店渡假，早上弘一約八時起床。

弘一：我瞓醒啦！

媽咪：你瞓醒啦。

弘一：爹地係邊度呀？我想去書房呀！

媽咪：爹地係廁所呀。

弘一：呢度係咪新屋企呀？

媽咪：呢度唔係新屋企，呢度係酒店。

弘一：呢度係咪six one nine呀？（Room no. 619）

一日，媽媽放工回家，正與弘一交談。

媽咪：弘一，Are you happy today?

弘一：Yes.

媽咪：Why are you so happy?

弘一：Because I smile.

爸媽帶弘一到Pizza Hut食pizza，媽咪叫了一杯熱檸水，弘一望著媽咪“篤”檸檬。

弘一：你“筆”檸檬丫。

媽咪就用羹“筆”出檸檬。

弘一：哇！好叻喎，你自己“筆”檸檬喎！

上星期，弘一病病，去看袁大明醫生，醫生開了同類療法的藥水（色和味都像清水一般的）。一次，媽媽餵弘一吃藥時……

弘一正在吃cereal，手拿著他的好友菇時。

弘一：菇時係好朋友，我幫菇時捶骨。（一手拿著菇時，一手幫菇時捶骨）

媽咪：好呀，咁你幫唔幫菇時massage呀？

弘一：（拿著菇時左右看）……菇時有無膊頭家？

媽咪：（笑）有呀！

弘一：膊頭係邊度呀？

媽咪笑足30秒，弘一很好奇地望著媽咪。

媽咪：（指著菇時的頭與手之間的位置）菇時膊頭係呢度囉！

弘一就望著媽咪所指的膊頭，若有所思！

星期日，去完迪士尼同弘一慶祝生日，之後到嫲嫲家吃飯，晚上坐的士回家途中，弘一流著鼻水。

Heny姐姐：弘一，你有無事呀？

弘一：我無事，我無嘔啦！（上次弘一病時，在的士上嘔吐！）食手指公，然後就會嘔家喎！食太多嘢，然後就會嘔家喎！唔！就係咁樣樣！

媽咪帶弘一食早餐，途中經過Starbucks的餐廳，弘一指著Starbucks的標誌。

弘一：呢個係唔係長頭髮呀？

媽咪：（看到Starbucks標誌上的公仔）係呀！

弘一：呢個係唔係標誌呀？

媽咪：係呀！呢個係Starbucks嘅標誌，你知唔知係Starbucks係食d乜呀？

弘一：（望著媽咪）……

媽咪：係飲咖啡呀！

弘一：呢度有coffee，仲有橙汁。

媽咪想起上次帶弘一去Starbucks，弘一曾飲橙汁。

爹地媽咪帶弘一食早餐，走到樓下公園，見到園丁叔叔修剪樹葉。

弘一：（指著叔叔）佢做乜嘢事呀？

媽咪：叔叔幫樹樹剪頭髮囉！弘一要唔要剪頭髮呀？

弘一：（企定望著叔叔）個d係咪頭髮呀？……個d係leaf呀！

媽咪：（笑）啊！係喎，佢係度剪樹葉，唔係剪頭髮。

弘一：I am so small,（指著爹地）you are so big.

姐姐帶弘一到細公園玩，小朋友在吃珍寶珠（波板糖）。

弘一：（走到小朋友面前）小朋友唔可以食煙家！

小朋友媽咪：佢唔係食煙呀，佢食糖咋！

弘一：唔係呀！小朋友唔可以食煙家嘛！

小朋友媽咪：（笑）……