弘一剛到過婆婆家見太公，回家時，一進門口便大叫找Heny姐姐。

弘一：姐姐，頭先見完太公啦！

姐姐：弘一驚唔驚呀？（皆因弘一每次到婆婆家，一見到陌生人便會很害羞，小時候更會大哭，所以姐姐提出此問。）

弘一：唔驚！……佢唔係豺狼黎家嘛！

晚上，弘一如常地和嫲嫲講電話……

弘一：（細聲說）嫲嫲。

媽咪：大聲d啦！嫲嫲聽唔到呀。

弘一：（大聲說）嫲嫲！……

媽咪：你問嫲嫲食左未？！

弘一：嫲嫲，你死（食）左未呀？

媽咪爹地：（雖然好笑，但係真係大吉利是囉！）……

晚飯時，弘一謝飯祈禱......

弘一：Tuhan Yesus（主耶穌），trimakasih（感謝祢），弘一食飯，不過無燒肉皮，阿們。

早上，爹地和弘一玩耍的時候……

弘一：（望著櫃上的Robot）Robot呀！

爹地：係咪呢個Robot呀？

弘一：係呀，Robot no. 1（爹地和弘一替Robot改的名字）呀！弘一係Ambrose no. 3 呀！

爹地：點解你係Ambrose no. 3呀？

弘一：因為我三歲囉！

晚上，婆婆到我們家吃飯，買了燒肉做餸，弘一吃飯時，便用半印尼語和半廣東語謝飯祈禱。

弘一：Tuhan Yesus（主耶穌），trimakasih（感謝祢），弘一食飯，有燒肉皮，阿們。

星期五晚上，姑姐和嫲嫲到我們家吃飯。飯後姑姐和弘一一同吃木瓜和玩玩具。

姑姐：弘一請唔請robot食木瓜呀？

弘一：唔請嘅。

姑姐：點解呀？

弘一：因為……因為……robot無口嘅！

姑姐：（笑）哦！

弘一和媽咪、Daddy、姐姐坐的士回家。

弘一：「快D啦！」

媽咪：「架車最快架啦！」

弘一：「快D啦！」

媽咪：「再快，警察叔叔會罰架！」

弘一：「警察叔叔會罰佢……快D啦！」

Daddy：「最快架啦，要再快，搭飛機啦！」

弘一：「搭飛機會住酒店架喎但係。」

Daddy（窒左一窒）：「又幾有邏輯喎。」

媽咪：（指著排骨飯）弘一，你食唔食排骨飯呀？

弘一望著媽咪搖搖頭。

媽咪：咁你想食乜嘢呀？

弘一：叉燒包。

媽咪：你剩係食叉燒包呀？

弘一：（點頭）唔！

媽咪：咁你想食叉燒包同埋乜嘢呀？

弘一：排骨飯！

早上，Heny姐姐在廁所替弘一刷牙。

弘一：爹地係邊度呀？

姐姐：係書房囉！

弘一：（想了一會）……爹地成日掛住打電腦！

正在書房打電腦的爹地也笑了！

母親節，姨媽請我們一家到黃金海岸酒店渡假，早上弘一約八時起床。

弘一：我瞓醒啦！

媽咪：你瞓醒啦。

弘一：爹地係邊度呀？我想去書房呀！

媽咪：爹地係廁所呀。

弘一：呢度係咪新屋企呀？

媽咪：呢度唔係新屋企，呢度係酒店。

弘一：呢度係咪six one nine呀？（Room no. 619）