弘一：姐姐，頭先見完太公啦！

姐姐：弘一驚唔驚呀？（皆因弘一每次到婆婆家，一見到陌生人便會很害羞，小時候更會大哭，所以姐姐提出此問。）

弘一：唔驚！……佢唔係豺狼黎家嘛！

弘一：（細聲說）嫲嫲。

媽咪：大聲d啦！嫲嫲聽唔到呀。

弘一：（大聲說）嫲嫲！……

媽咪：你問嫲嫲食左未？！

弘一：嫲嫲，你死（食）左未呀？

媽咪爹地：（雖然好笑，但係真係大吉利是囉！）……

弘一：Tuhan Yesus（主耶穌），trimakasih（感謝祢），弘一食飯，不過無燒肉皮，阿們。

弘一：（望著櫃上的Robot）Robot呀！

爹地：係咪呢個Robot呀？

弘一：係呀，Robot no. 1（爹地和弘一替Robot改的名字）呀！弘一係Ambrose no. 3 呀！

爹地：點解你係Ambrose no. 3呀？

弘一：因為我三歲囉！

弘一：Tuhan Yesus（主耶穌），trimakasih（感謝祢），弘一食飯，有燒肉皮，阿們。

姑姐：弘一請唔請robot食木瓜呀？

弘一：唔請嘅。

姑姐：點解呀？

弘一：因為……因為……robot無口嘅！

姑姐：（笑）哦！

弘一：「快D啦！」

媽咪：「架車最快架啦！」

弘一：「快D啦！」

媽咪：「再快，警察叔叔會罰架！」

弘一：「警察叔叔會罰佢……快D啦！」

Daddy：「最快架啦，要再快，搭飛機啦！」

弘一：「搭飛機會住酒店架喎但係。」

Daddy（窒左一窒）：「又幾有邏輯喎。」

媽咪：（指著排骨飯）弘一，你食唔食排骨飯呀？

弘一望著媽咪搖搖頭。

媽咪：咁你想食乜嘢呀？

弘一：叉燒包。

媽咪：你剩係食叉燒包呀？

弘一：（點頭）唔！

媽咪：咁你想食叉燒包同埋乜嘢呀？

弘一：排骨飯！

弘一：爹地係邊度呀？

姐姐：係書房囉！

弘一：（想了一會）……爹地成日掛住打電腦！

正在書房打電腦的爹地也笑了！

弘一：我瞓醒啦！

媽咪：你瞓醒啦。

弘一：爹地係邊度呀？我想去書房呀！

媽咪：爹地係廁所呀。

弘一：呢度係咪新屋企呀？

媽咪：呢度唔係新屋企，呢度係酒店。

弘一：呢度係咪six one nine呀？（Room no. 619）

媽咪：弘一，Are you happy today?

弘一：Yes.

媽咪：Why are you so happy?

弘一：Because I smile.

弘一：你“筆”檸檬丫。

媽咪就用羹“筆”出檸檬。

弘一：哇！好叻喎，你自己“筆”檸檬喎！

弘一正在吃cereal，手拿著他的好友菇時。

弘一：菇時係好朋友，我幫菇時捶骨。（一手拿著菇時，一手幫菇時捶骨）

媽咪：好呀，咁你幫唔幫菇時massage呀？

弘一：（拿著菇時左右看）……菇時有無膊頭家？

媽咪：（笑）有呀！

弘一：膊頭係邊度呀？

媽咪笑足30秒，弘一很好奇地望著媽咪。

媽咪：（指著菇時的頭與手之間的位置）菇時膊頭係呢度囉！

弘一就望著媽咪所指的膊頭，若有所思！

Heny姐姐：弘一，你有無事呀？

弘一：我無事，我無嘔啦！（上次弘一病時，在的士上嘔吐！）食手指公，然後就會嘔家喎！食太多嘢，然後就會嘔家喎！唔！就係咁樣樣！